E Hampfle Schnitzelbängg
Aktualisiert

E Hampfle Schnitzelbängg

Die Gugge uss Oman die schigge mir hei / Zum Schnaabelbryys do sage mir nai / mir sinn drgege, wo s nur goot / so sitze mir sicher bald im Bundesroot.

(die Haiggle)

Dr Chris von Rohr, jä das wär e Digge / sotsch au emol in Dschungel schigge / das wär denn fyr e guete Zwägg / bi uns isch suuber und die hän dr Drägg.

(Alperöösli)

Dr Berlusconi hett, s isch gar nid glooge / si Gsichtshutt hinder baidi Oore zooge / und au si runzlig Hals het är lo gledde / nur si dummi Schnuure hesch nimm kenne rette. (Giftnuudle)

Dr Plaitegaier het bim Couchepin regglamiert / wel dä d AHV de Hyääne zem Frass serviert / y froog my als Bänggler – bi dääre Moogel-Sippe / wär griegt dr Schnaabelbryys und wär het Voogel-Grippe.

(Hanslimaa)

Unseri Micheline vo Bäärn / lacht immer no so brait und gäärn / Doch luege Si emool genau, y wais nit eb si s gseen? / Die lacht gar nit – im Geegedail – y glaub, die bysst uf d Zeen! (Peperoni)

Deine Meinung