Aktualisiert 16.02.2005 00:36

Schnitzelbängg 2005: Von Anita Fetz bis Zubi

Passerelle, Combino, der Zürcher Polizeieinsatz oder Anita Fetz: Ein kleiner Querschnitt durch den Schnitzelbangg- Jahrgang 2005.

«Y hogg im Zug Richtig Ziiri, due d'Landschaft gniesse und ha aigentlig nur welle ans Knabeschiesse, z'Aarau bin y mit mim Öpfel in Spyyswaage gsässe, und han en z'Altstette in de Handschälle fertig gässe.» (Max + Moritz)

«S het scho ne so baar glaini Parallele zwische der Zircher Bolizey und dr Passerelle, me suecht bi baidne noochem woore Gsicht und merggt halt denne glii sin baidi nid ganz dicht.» (Giftnuudle)

«Dr Michael Jackson sait vor Gricht und macht e Wett, ych mach de glaine Buebe sicher nüt im Bett, vo däm sin mir au yberzügt und nid schockiert, dä het sy Schnidelwutz scho längschtens transplantiert.» (Dropfezeller)

«S Nilpfäärd Wilhelm duet si Zeebra jetzt vermisse, syt är s Viich in sinere Panik z doot het bisse, digge Frinde ka me aifach nimm verdraue, so het d Fetz bis hit am Dieter Behring z kaue.» (Die Verlumpte)

«Bym Combino und bym Bush gsesch bi baidne dr glyychi Pfusch: S' sinn baidi, dasch e dummi Gschicht, näbe de Schiine – und oobe nit dicht.» (Schreggschruube)

«Dr Vischer isch gange – Herzog und Morin sinn gwäält, jetz gits do e Froog wo uns schuurig quäält, finf minus ains plus zwai git gar nie siibe, wo isch denn au dr Hamatschu bliibe.» (Schnäggedyssi)

«Dr Hakan, dr Cantaluppi sin gange, dr Streller und dr Dääge, blyybe au nit hange, ych fänd's toll es gieng no aine, doch fir dr Zubi interessiert sich kaine.» (D Clochard)

Deine Meinung

Fehler gefunden?Jetzt melden.